Гимназияның география пәнінің мұғалімі Алманбетов Рахымжан Дуйсенович география пәні мұғалімдеріне арналған республикалық «Олимп шыңы» олимпиадасынан 2-орын иеленді. Әріптесімізді жеңісімен құттықтаймыз!

Бастауыш сынып мұғалімдеріне арналған республикалық “Алтын тұғыр” математикалық олимпиадасының қалалық кезеңіне қатысып, жүлдегер атанған гимназиямыздың бастауыш сынып мұғалімдерін шын жүректен құттықтаймыз! 🥇Киркинбаева Эльвира 🥇Абжаппарова Аяулым 🥇Адильханова Нұрайлым 🥈Шалова Кулназым 🥈Туғанбаева Шакизат Әріптестерімізді жүлделі орындарымен құттықтай отырып, кәсіби қызметтерінде жаңа жетістіктерге жете беруіне тілектеспіз 

Облыстық “Үздік авторлық бағдарлама” байқауында математика пәні мұғалімі Б.С.Дауылбаева өз еңбегінің жемісін көріп, жүлделі І орынды иеленді! Бұл жеңіс – тынымсыз ізденіс пен әдістемелік шеберліктің, кәсіби дамуға деген зор ықыластың нәтижесі. Ұстазымыздың еңбегі лайықты бағаланып, облыс деңгейінде үздік деп танылғанына қуаныштымыз! Құттықтаймыз! Жетістіктеріңіз толастамай, шығармашылық шабыт әрдайым бірге болсын!

 Облыстық “Үздік авторлық бағдарлама” байқауында информатика пәні мұғалімі — У.М.Анетбаева жүлделі II орын иеленді. Ұстаздық жол — үздіксіз ізденіс пен еңбектің нәтижесі. У.М.Анетбаева өзінің шығармашылығы мен кәсіби біліктілігінің арқасында облыстық деңгейдегі байқауда ІІ орын иеленіп, тағы бір үлкен жетістігімен қуантты!Құттықтаймыз!

Талдықорған қаласында 30-31 қазан күндері тарих пәнінен өткен Республикалық пән олимпиадасында әріптесіміз Юсупжанов Талғат ағай жүлделі II орынды иеленіп, өз кәсіби шеберлігін тағы бір мәрте дәлелдеді! Талғат ағайдың еңбегі мен білімге деген адалдығы — баршамызға үлгі! Олимп шыңын бағындырған ұстазымызды шын жүректен құттықтаймыз! Жаңа жетістіктер мен толағай табыстар тілейміз! 

Гимназияның тарих пәнінің мұғалімі Лаубай Тоғжан Құралбайқызы педагогтердің кәсіби беделін арттыру және қоғамдағы мәртебесін көтеру мақсатында ұйымдастырылған республикалық “Үздік педагог – 2025” байқауының жеңімпазы атанды! Лаубай Тоғжан Құралбайқызы – шығармашыл, ізденімпаз, өз ісінің шебері. Республикалық “Дарынды балаларға – талантты ұстаз” педагогикалық олимпиадасының жеңімпазы; Республикалық “Үздік авторлық бағдарлама” конкурсының жеңімпазы; Республикалық “Педагогикалық идеялар

"Педагогикалық идеялар панорамасы" республикалық байқауының өңірлік кезеңінен І орын алған биология пәнінің мұғалімі Мейіртан Талғат және ІІІ орын алған ағылшын тілі пәнінің мұғалімі Мұсақова Гаухарды құттықтаймыз! 

Өңірдің білім беру жүйесін дамытуға қосқан үлесі және өскелең ұрпақты оқыту мен тәрбиелеудегі жетістіктері үшін гимназияның бастауыш сынып мұғалімі Тойшыбекова Гулмира Мырзакелдіқызы Жамбыл облысының әкімі Е.Қарашөкеевтің Құрмет грамотасымен марапатталды.

"Облысқа сіңірген еңбегі үшін" төсбелгісімен көркем еңбек пәнінің мұғалімі Оразбаева Гүлжан Нұраханқызы марапатталды. Құттықтаймыз!  

Жас ұрпақты оқыту және тәрбиелеу ісіндегі елеулі табыстары үшін гимназиямыздың қазақ тілі мен әдебиеті пәнінің мұғалімі Маталиева Аида Ертаевна “Ы.Алтынсарин” төсбелгісімен марапатталды. Құттықтаймыз!