"Үздік жас маман" мектепішілік байқауы

Гимназияның жылдық жоспарына сәйкес наурыз айының 2-26 күндері аралығында гимназияның жас мамандары арасында айлық өткізіліп, қорытындысы 26 наурыз күні шығарылды.
Жас мамандардың әлеуметтік мәртебесін және шығармашылық потенциалын арттыру, инновациялық белсенділіктерін дамыту, кәсіби шеберліктерін жетілдіруіне жағдай жасау және оларды іскерлікке, мәдениеттілікке, өз кәсібіне үлкен жауапкершілікпен қарауға баулу мақсатында 26 наурыз күні «Үздік жас маман» байқауы өткізілді.
Жас мамандар байқау шарттары бойынша бекітілген кестеге сай бірінші кезеңде ашық сабақтар өтті, эссе жазды, электронды портфолио дайындады. Ал екінші кезеңде педагогикалық идеяларын қорғап, педагогикалық жағдаяттарға жауап берді және өз өнерлерін ортаға салды.
Байқау қорытындысы бойынша І дәрежелі дипломмен бастауыш сынып мұғалімі Ыбырай Айдана, ІІ дәрежелі дипломмен ағылшын тілі пәнінің мұғалімі Мұсақова Гауһар, химия пәнінің мұғалімі Асан Назерке, ІІІ дәрежелі дипломмен бастауыш сынып мұғалімі Сарыпбек Қымбат, химия пәнінің мұғалімі Жумамурадова Аяжан, ағылшын тілі пәнінің мұғалімі Нұрмаханбет Айжан марапатталды.