5–7 сынып оқушылары қазақтың ұлы ғалымы, ағартушысы әрі саяхатшысы Шоқан Уәлихановтың өмірі мен еңбектері туралы мазмұнды баяндамалар жасап, оның қазақ тарихы мен мәдениетіне қосқан үлесін таныстырды. Іс-шара оқушылардың ғылыми ізденіске қызығушылығын арттырып, шығармашылық және шешендік қабілеттерін дамытуға ықпал етті.

Оқушылар интернетсіз бір күнді елестетіп, өз ойларымен бөлісті. «Интернет адамды жақындата ма, әлде алыстата ма?» тақырыбында пікірталас ұйымдастырылып, қызықты пікірлер айтылды. Қорытындысында интернетті дұрыс пайдалану, шынайы қарым-қатынас, кітап оқу мен уақыттың қадірін түсіну маңызды екені айтылды.