“TALQILIKE” жобасы аясында 7“Г” сыныбы Ш.Айтматовтың “Ақ кеме” шығармасын талқылады. Талқылау барысында оқушылар шығарманың негізгі ойын ашып, кейіпкерлердің әрекеттеріне сыни тұрғыда баға берді. Оқушылар “Ақ кемені” үміт пен арманның белгісі ретінде қарастырып, әр оқушы өз көзқарасын білдіру арқылы шығарманың мазмұнын терең түсінуге тырысты. 

Жеңіс күніне 80 жыл толуына орай Жеңіс саябағында 7-сыныптар арасында «Бейбіт күн — батырлар сыйы» тақырыбында ашық аспан астында сурет салу байқауы өтті. Оқушылар саябақ ішін аралап, ондағы ескерткіштермен және тарихи нысандармен танысты. Байқау барысында қатысушылар тақырып аясында сурет салып, бейбіт өмір мен Ұлы Отан соғысы ардагерлерінің ерлігін бейнелеуге тырысты. Іс-шара оқушылардың патриоттық сезімін оятып, тарихқа деген қызығушылығын арттырды. Байқауға қатысушылар I, II, III дәрежелі

Мақсаты: оқушының білімі мен біліктілігі арқылы ой - өрісін дамыту, ұшқырлық ,ойлау қабілетін шыңдау, шапшаңдық пен нақтылыққа бейімдеу. Нәтижесінде:  І орынмен 10 Ә “Алтын” тобы, ІI орынмен 10 В “Ұлы Дала рухы” тобы, ІІІ орынмен 10 А “Жас қазақ” тобы марапатталды.

Тренинг кезеңдері: І. Неліктен толғану маңызды? ІІ. Толғаныстарды түсіну ІІІ. Өз ішкі сезімдерімен жұмыс істеу ІV. Өз - өзіңді бағалау және көмек сұрау “Мені толғандырады” жаттығуы алынып, білім алушылар көкейінде жүрген сұрақтарға жауап алып, қорқыныштары сейілді. «Достық, сенім, сүйіспеншілік» сөзінің мән-мағынасын толық аша білді. Тренинг соңында болашақ мамандықтары туралы өз ойларын ортаға салды.

Іс-шара үзіліс уақытында өткізіліп, оқушылар Ұлы Отан соғысына қатысты сұрақтарға белсенді түрде жауап берді. Сонымен қатар, соғыс тақырыбындағы әдебиеттерден арнайы көрме ұйымдастырылып, оқушылар назарына ұсынылды. 

4-сынып оқушыларымен “Ғарышқа қанат қақ” тақырыбында сыныптан тыс іс-шара ұйымдастырылды. «Ғарышкер болу – арман мен еңбек» кезеңінде оқушылар тілдік нормаларды сақтай отырып, диалог құрау арқылы ғарышкер болу жолындағы армандар мен еңбекті сипаттады. «Ғарыш әлеміне үңіл!» кезеңінде ғарышқа байланысты түрлі тапсырмаларды қызығушылықпен орындады. Бұл іс-шара оқушылардың қиялын, шығармашылығын, топпен жұмыс істеу дағдыларын арттырды. 

 Әңгіме желісі бойынша оқушылар соғыс жылдарындағы ауыл өмірін, балалық шақтың қиындықтарын, сағыныш пен үмітке толы сезімдерді талқылап, Аян бейнесі арқылы адамгершілік, мейірім, төзімділік ұғымдарына тоқталды. Шара барысында оқушылар өз ой-пікірлерін еркін жеткізіп, көркем шығарманың терең мазмұнын ашуға тырысты. Әңгімеден алған әсерлерін пікірталас, сұрақ-жауап арқылы көрсетті.

Фильмотерапия: тәрбие мен танымның тиімді әдісі 6-сынып оқушыларына «Лаула» фильмі көрсетілді. Фильмотерапия – кино арқылы адам жандүниесін зерттеу, ойландыру, рухани жетілуіне көмектесу тәсілі. «Лаула» фильмі арқылы оқушылар өмірлік құндылықтарды, жанашырлықты, батылдықты сезіне отырып, өз ойларын ортаға салды. Фильмнен кейін пікірталас ұйымдастырылып, оқушылар алған әсерлерімен бөлісті.

Әдістемелік қолдау көрсету мақсатында М.Х. Дулати атындағы Тараз Өңірлік университетінің педагогтері Игиликова Г. И. және Мыханова Ж.Б. гимназия мұғалімдеріне «Авторлық бағдарлама жазудың талаптары мен әдістемесі» тақырыбында семинар өтті. Іс-шара барысында авторлық бағдарлама жазу ережелері, құрылымы мен рәсімдеуіне қойылатын талаптармен таныстырды. Семинар соңындағы кері байланыста мұғалімдер өздерін ойландырған сұрақтарын қойып, толыққанды жауап алды.

Ұлттық ойындар – ұрпақ мұрасы Қазақ халқының ұлттық ойындары–ата-бабадан жеткен асыл мұра, рухани байлықтың бір бөлігі. Соның ішінде “бес асық” пен “тоғызқұмалақ” ойыны ерекше орын алады. 22-наурыз Ұлыстың ұлы күні мерекесіне орай 5-6 сыныптар арасында бес асық, тоғызқұмалақ ойындары бойынша жарыс ұйымдастырылды. Мақсаты: - қазақ халқының ұлттық ойындарын ел арасында кеңінен насихаттау және бұқаралық сипатын арттыру; - үздік ойыншыларды анықтау. - спорттық шеберлікті және зияткерлік қабілетті