ЖАҢА ЖОБА БАСТАЛДЫ!

"Мамандықтар әлемі" жобасын жүзеге асыру - шаңырақ мүшелерінің туған жеріміз - Жамбыл облысының 80 жылдығына орай ІІ тоқсандағы жобалық - зерттеу жұмыстарын жалғастыра жүргізуі және оларды шығармашылық өнім ретінде ұсынуын қамтамасыз етеді. Жоба мақсаты: оқушыларға әр мамандықтың қызығы мен қиындығы болатындығын жете ұғындыру, алдағы уақытта заман талабына сай дұрыс мамандық алу үшін бағыт-бағдар беру.
Жоба барысында білім алушылар Жамбыл облысының 80 жылдығына орай берілген ауылдардағы кең дамыған мамандық түрлерін зерттейді, сол ауылға керекті мамандықтарға жобалық-зерттеу жұмыстарын жүргізіп, шаңырақ сағаттарында оларды шығармашылық өнім ретінде ұсынады.
Жоба іске асырылатын мерзім: 2019 жылғы 20 қараша - 4 желтоқсан аралығы.
Жоба жұмысына барлық білім алушылар мен педагогтарды белсене қатысуға шақырамыз!