«ЖОЛ БЕЛГІЛЕРІН ТАНЫ!» тақырыбында интеллектуалды ойын ұйымдастырылды

 

«Абайлаңыз, балалар!» айлығының жоспарына сәйкес Б.Момышұлы атындағы №45 қазақ классикалық гимназиясында 5-сынып оқушылары арасында «Жол белгілерін таны!» тақырыбында интеллектуалды ойын ұйымдастырылды.
Ойынның негізгі мақсаты – оқушылардың жол қозғалысы ережелері мен жол белгілері туралы білімдерін кеңейту, олардың мағынасын дұрыс ажырата білу дағдыларын қалыптастыру және көшедегі қауіпсіздік мәдениетін арттыру.
Оқушылар ойын барысында жол белгілерін танып, олардың мағынасын түсіндіріп, түрлі жағдаяттар бойынша өз білімдерін сынады. Қызықты тапсырмалар мен сұрақтар арқылы оқушылардың есте сақтау, жылдам ойлау және дұрыс шешім қабылдау қабілеттері дамыды.
Жол белгілерін білу – қауіпсіз жолдың бастауы!
Жолда жүрсең – ережені біл, қауіпсіздікті сақта!