20 қараша 2020 жылы белгілі Абайтанушы, бауыржантанушы ғалым, ф.ғ.д., профессор Мекемтас Мырзахметұлымен Б.Момышұлының туғанына 110 жыл толуына орай онлайн әңгіме-сұхбат өткізілді.

20 қараша 2020 жылы белгілі Абайтанушы, бауыржантанушы ғалым, ф.ғ.д., профессор Мекемтас Мырзахметұлымен Б.Момышұлының туғанына 110 жыл толуына орай онлайн әңгіме-сұхбат өткізілді. Әңгіме-сұхбат барысында М.Мырзахметұлы Б.Момышұлының қазақ халқы үшін жасаған ерліктері мен еңбектерін, ұлт намысын қорғау жолында жасаған істерін жан-жақты талдаумен бірге,Б.Момышұлының елінің еркіндігін, тілінің тазалығын, ұлтының мықтылығын, ең бастысы, тәуелсіздікті аңсап өткен ұлт жанашыры екенін тағы бір дәлелдеп берді. Жарқын болашақтың иесі жастар екенін тілге тиек ете келіп, тағылымы мол іс-шараға қатысқан оқушыларға ерінбей еңбектенудің, кітап оқу мен ізденудің табысқа жетелей түсетінін  баса айтты. Ал кемел келешектің тұлғаларын тәрбиелеп отырған мұғалімдер қауымына Б.Момышұлының әлі де ашылмаған қырларының барлығын, олардың зерттеуді қажет етіп отырғанын мәлімдей келіп,  сол іспен айналысуда үлес қосуға шақырды.

      Әңгіме-сұхбатқа гимназияның мұғалімдері және оқушыларымен бірге ,№43,51 серіктес  мектептердің, Меркі, Т.Рысқұлов, Байзақ аудандарының қазақ тілі және әдебиеті пәні мұғалімдері қатысты.

Әңгіме-сұхбатты қазақ тілі мен әдебиеті пәнінің жоғары санатты  мұғалімі педагог-шебер Маталиеваны А.Е. жүргізді.