Бүгін - қазақтың хас батыры Бауыржан Момышұлының дүниеге келген күні. Ғасырда бір-ақ туылатын тау тұлға - Бауыржан Момышұлының мерейлі мерекесі гимназияда атаусыз қалған емес. Бауыржан Момышұлының батырлығы мен азаматтық тұлғасын дәріптеу, шығармалар

Бүгін - қазақтың хас батыры
Бауыржан Момышұлының дүниеге келген күні. Ғасырда бір-ақ туылатын тау тұлға - Бауыржан Момышұлының мерейлі мерекесі гимназияда атаусыз қалған емес. Бауыржан Момышұлының батырлығы мен азаматтық тұлғасын дәріптеу, шығармаларын насихаттауға арналған 8 "б" сыныбының ұйымдастыруымен
"Аңызға айналған ғұмыр" атты сыныптан тыс іс-шара өтті. "Әр адамның мінезі - астындағы тұлпары. Соның ағынымен адамдар өмірден зымырап өтіп жатады" - деген батыр Бауыржан Момышұлының аталы сөзі өзіне арналғандай. Ұйымдастырылған іс-шара гимназияда талай жылдар өткізіліп келген сыныптан тыс жұмыстар, конференциялар, бауыржантану байқаулары мен гимназияда Баукеңе арналған шараларда ат басын бұрып қонақ болған батырдың келіні Зейнеп апамыздың, сондай-ақ Шерхан Мұртаза, Мекемтас Мырзахметұлы сияқты ғұламалар мен бауыржантанушы ғалымдардың бас қосуынан понораммалық шолу жасаумен басталды. Жас бауыржантанушылар батырдың қаһармандық қайсар тұлғасы және адам баласына сирек кездесетін озық ақыл-ой, қарағайға қарсы біткен бұтақтай қайсар мінезі жайында айтып, ән мен жырға бөледі. Алда қаншама жылдар, ғасырлар өтсе де Отаны барда, туған халқы барда Бауыржан Момышұлының аты ұмытылмайды, даңқы ғасырдан-ғасырларға жететініне, ерлігі елге аңыз болған күйі ұрпақтан-ұрпаққа кететініне гимназистердің сенімі мол.
Дүбірлі 110 жылдық мерейтойы қарсаңында гимназия оқушыларының білім мен өнерде батыр бабасына тастар сыйы көп болмақ, - деп ой түйді гимназия шәкірттері.
Жауапты: Мырзабекова Қ.