13 сәуір күні Педагогикалық шеберлік орталығының Тараз қаласындағы филиалының тренері Ш.Қ.Алтаева Тараз қаласы Б.Момышұлы атындағы №45 қазақ классикалық гимназиясы ұжымына «Қашықтықтан оқытуда дағдыға негізделген білім берудің тиімді жолдары» тақыры

13 сәуір күні Педагогикалық шеберлік орталығының Тараз қаласындағы филиалының тренері Ш.Қ.Алтаева Тараз қаласы Б.Момышұлы атындағы №45 қазақ классикалық гимназиясы ұжымына «Қашықтықтан оқытуда дағдыға негізделген білім берудің тиімді жолдары» тақырыбында вебинар өткізді. ХХІ ғасыр дағдыларына тоқтала келе, ұстаздардың ақпарат және технологияны қолдану дағдыларын дамытуды мақсат ете отырып, оқыту процесін қолдау үшін құрылған learningapps.org сервисімен таныстырды. Сервисті пайдалана отырып қашықтық сабақтарын ұйымдастыру, сервисті сыныптан тыс жұмыстарда қолдану, білім алушылардың өзіндік жұмысын ұйымдастыру, кері байланысты жүргізу жолдарымен нақты мысалдар келтіре отырып көрсетті. Вебинар қатысушылары онлайн-сервисте өз жаттығуларын, тапсырмаларды, қосымшаларды құруға, оларды әр түрлі форматтарда сақтауға, кітапханадан дайын модульдерді пайдалануға, пайдаланушылар арасында еркін ақпарат алмасуға, сыныптар құруға және оқушылардың жұмысын ұйымдастыруға болатын мүмкіндіктерімен танысты. Ақпараттық-технологиялық құзыреттілік - өзгермелі қоғамның ұстаз алдына қоятын тұрақты өзіндік даму, жетілу жолының шешуші құралдарының негізгісі десек, бүгінгі вебинар жалпы ұстаздар қажеттілігін толық қанағаттандырған, тиімді іс-шара болды.