«Үздік сынып» облыстық онлайн байқауы өтеді!!!

«Үздік сынып» облыстық онлайн байқауы өтеді!!!

            Қазақстан Республикасының Сыбайлас жемқорлыққа қарсы іс-қимыл агенттігінің Жамбыл облысы бойынша  департаменті, «Жамбыл – адалдық алаңы» жобалық офисі және «Жастарды әлеуметтік және тұрақты дамыту қоры» Қоғамдық қоры, Жамбыл облысы әкімдігінің білім басқармасы «Жастарды әлеуметтік және тұрақты дамыту қоры» Қоғамдық қоры Қазақстан Республикасының 2015 – 2025 жылдарға арналған сыбайлас жемқорлыққа қарсы стратегиясын басшылыққа ала отырып мектеп оқушылары арасында парасаттылық, әділдік, адалдық құндылықтарын насихаттау,  бауырмалдық, қайырымдылық, достық қарым-қатынасты қалыптастыру, заманауи жетістіктерге лайықты парасатты тұлғаны дамыту, озат-ойлы, парасатты, қайырымды  үздік сыныпты анықтау мақсатында «Үздік сынып» онлайн байқауын өткізеді. 

Облыстық байқауға парасатты, қоғамда белсенді, ой-өрісі кең, ізденімпаз оқушылар өз сыныбымен қатыса алады.

Қатысушылар әлеуметтік желілерде парасаттылық, адамгершілік үлгілерін көрсететін 3 минуттық сапасы жоғары ролик дайындайды. Аталған роликті әлеуметтік желілерде 30 қарашаға дейін «Жамбыл – адалдық алаңы» жобалық офисіне Жамбыл адалдық алаңы хэштегімен тегтеп орналастырады. 

          Жұмыстарды қарау қорытындысы бойынша жүлделі І, ІІ, ІІІ орын, «Үздік сынып», «Үздік оқырман сынып», «Интеллектуалды сынып», «Шығармашыл сынып», «Көптілді сынып», «Шеберлер сыныбы», «Өнерлі сынып», «Жомарт сынып», «Саяхатшы сынып», «Көшбасшы  сынып», «Ең салауатты  сынып»  номинациялары беріледі. 

Облыстық байқаудың жеңімпаздары дипломдармен және құнды сыйлықтармен марапатталады.

Барлық білім алушылар мен сынып жетекшілерді аталған байқауға белсене қатысуға шақырамыз!