Б.Момышұлы атындағы №45 қазақ классикалық гимназиясы директоры Шортанбекова Фарида Советбекқызы қамқоршылық кеңес және ата-аналар комитетінің төрағалары алдында 2018-2019 оқу жылындағы атқарылған жұмыстарға және жаңа оқу жылына белгіленген міндеттері

Бүгінгі қоғам мектептегі ата – ананың рөлін күшейтіп отырғаны мәлім. Осы орайда 2019 жылдың 30 қыркүйек күні Б.Момышұлы атындағы №45 қазақ классикалық гимназиясы директоры Шортанбекова Фарида Советбекқызы қамқоршылық кеңес және ата-аналар комитетінің төрағалары алдында 2018-2019 оқу жылындағы атқарылған жұмыстарға және жаңа оқу жылына белгіленген міндеттері туралы есепті баяндамасын жасады. Тараз қаласы әкімдігінің білім бөлімінің бас маманы Үкібасов Қайрат Исаұлы қатысты.Гимназия инспекторы, полиция капитаны Ишанқұлова Жансая Қожамқұлқызы құқық бұзушылықтың алдын алу, балалардың өмір қауіпсіздігіне ата-аналарды жауапкершілікпен қарауға, әлеуметтік желілердің зияндығы туралы ескерту жасады.
Атқарылған жұмыстарға қамқоршылық кеңес төрағасы Медеуов Жетен Медеуұлы, қамқоршылық кеңестің мүшелері өз ризашылықтарын білдірді.
«Мектеп – ата-ана – бала» үштігі бірігіп, ынтымақтаса еңбек атқарғанда ғана нағыз ұлтжанды азаматты тәрбиелеуге болады. Болашағы баянды, келешегі кемел білім ордасының жетістіктері алдағы уақытта да еселене береді, қажырлы еңбек, үздіксіз ізденіс, қарымды қабілет гимназия ұжымының негізгі ұстанымы болып қала бермек.