100 кітап

«Кітап – өмір ұстазы. Сондықтан жастар кітап

оқуды күнделікті әдет қылуы тиіс. Кітап оқымай

өмірді білу, білім алу мүмкін емес»
С. Қожамқұлов

 

Бүгінгі күні Қазақстанның алдына қойып отырған басты мақсаты – әлемдегі дамыған отыз елдің қатарына қосылу.

100 нақты қадам – Ұлт жоспарын жүзеге асыру мақсатында Бауыржан Момышұлы атындағы № 45 қазақ классикалық гимназиясы «Гимназия оқушылары оқуға міндетті 100 кітап» жобасын жүзеге асыруда.

Жобаның мақсаты:оқушылардың кітап оқуға қызығушылығын арттыру, рухани және интеллектуалдық дамыту, оқушының бойында кітапты ұқыпты әрі бар ынтасымен оқу дағдысын қалыптастыру.

Жобаның міндеті:Қазақстанның көркем әдебиеті мен әлемнің классикалық әдебиетінен сұрыпталып, таңдап алынған шығармаларды насихаттау, оқушылардың бойында әдеби тағлымын қалыптастыру дамыту болып табылады.

Өзектілігі:Елбасымыз Нұрсұлтан Назарбаев: «Адам баласының бүкіл ғұмырындағы ең сенімді және ең сабырлы серігі - кітап», - деп атап өтті. Ертеңгі күні материалдық байлықтың рухани игіліктен басымдылыққа шығып кетпеуінің жалғыз жолы –рухани тәрбие. Сондықтан білім алып жатқан оқушыларға қазақ әдебиетінің, әлем классикасының, жалпы халықтар әдебиетінің алтын қорындағы аса құнды шығармаларды оқыту, үйрету, сол туындылардан рухани азық алғызу өзекті болып табылады.Интеллектуалды ұлт қалыптастыруда оқушылардың бойында кітапқа деген қызығушылықты дамыту маңызды болып табылады.

 

 5- сыныптарға ұсынылатын шығармалар

 

Бұл повесте сұрапыл Ұлы Отан соғысы кезіндеУкраинажерінде он жасар қазақ баласыныңпартизандарқатарында болған қилы өмір соқпағы суреттеледі. Көп ұзамай соғыс басталады. Он жасар Серікті жетектеп Жамал эшелонмен ауылға кетпек болады. Жамал жау оғынан қаза табады. Серік комиссар Савченконың әйелі Анна Ивановна мен оның баласы Бористің қасында қалады. Жанкештілікпен Отан үшін алысқан партизандар сәулетті қала мен күл болған селоны, немістер тірідей көмген әке-шеше,іні-қарындасты көрді.Бостандық үшін, болашақ бақыт үшін аянбай алысты. Жандармдардан ерлікпен қорғанған ауыл тұрғындарынаҚызыл Армиякөмекке келеді.

 

  

 

Балалық шақты ойға алмайтын адам жоқ. Оның қызығы мен шыжығы өз алдына, ерекше есте қалатын сәттері де мол. Бала кезден бауыр басқан адамын кім ұмыта алады. 2002 жылы «Мен — апамның баласымын» атты романы басылып шықты. Сол балалық бал дәурен шаққа көркем тілмен жетелей отырып, перзенттік парызды ұмытпаудың өнегесін мысал етеді.

 

 

 

 

 

 Бұл жинаққа қазақтың белгілі жазушысы Адам Мекебаевтың оқырманға кеңінен танымал, кезінде әдеби қауымның әділ қазыларынан жоғары баға алған "Жадыра", "Кездік", "Жезтырнақ", "Жар жағалаған қыз", "Аңызақ" повестері еніп отыр. Бұл повестердің көтерер жүгі терең һәм көркемдігі жоғары.

 

 

 «Ғажайып планета» әңгімесіндегі бөгде планетадағы тіршілік жайлы толық мәлімет беру.Экипаж мүшелері түгел дерлік шаршап-шалдыққан. Ойда жоқта кез болып, басқа түскен сергелдең бұларды бір мезгіл асып-састырып абыржытса, енді бірде көңілдеріне қаяу түсіріп жабырқатқандай. Әркім өз ойымен әуре. Командирдің аты командир ғой. Қалай бұйрық берсе, басқасы солай жүрмек. Не дер екен қазір мына ғалым?Бұл жерде экипаждың барлық мүшесі бірдей жабырқаулы деуіміз артықтау да болар. Өйткені, кемеде бесінші мүше де бар болатын. Ол кеудесін шамасынша көріп көңілді тұр. Екі көзі жасыл от шашып жарқ-жұрқ етеді. Бұл жасанды адам физиомеханикалық «Кибер» еді.

 

 

 

Бұл кітаптың әр тарауында автор заманының қаталдыққа толы қиын күндерін қисынымен қиыстырып суреттеген. Кейіпкер образдарын аса үлкен шеберлікпен кестелегені соншалық – оқып отырып кейіпкердің көңілді кейпіне

еніп күлесің, жалынышты жүзіне еніп жылайсың.
Кітаптың әр парағын парақтап танысқан сайын автордың балалық әлеміне сапар шеккендей боласың. Тоқсан ауыз сөздің тобықтай түйіні, повесть өз тақырыбын, мазмұнын жеткілікті деңгейде аша білген. Ең бастысы, Сахарада сайрандаған қазақ баласының сыпайы да сотқар қылық, сынық мінезін дәл мүсіндеген.

 

 

«Ұшқан ұяда» авторәлем тарихы,жаратылыс шежіресі,жан-жануарлар болмысы,әлемнің пайда болуы,тірлік,өмір туралы алғашқы мағлұматтарды,азаматтық тұрғыдағы аңыз-әңгімелерді әжесінен естігенін үлкен сүйіспеншілік сезіммен есіне алған,сондай-ақ ненің жақсы , ненің жаман екенін, нені сүйіп, неден аулақ жүруді әжесінен үйренгенін мақтан етеді. Әкесі Момыш өз бетімен сауат ашқан, сол кездегі көзі қарақты адамдардың бірі болған. Ел арасында ағаш ұстасы және етікші, зергерлігімен танымал болатын. Бауыржан 3 жасқа келген соң анасы Рәзия қайтыс болады да, әжесі Қызтумастың қолында өседі.

 

 

 Бұл поэмада ақын қазақ халқының өткен өмірі мен тағдыры жайлы лирикалық-публицистикалық стильде толғана жырлады. Қазақ халқының ұлттық ерекшеліктерін ашуда, оның ерлік дәстүрі, туған жер мен ел, оның байлығы, адамдары жайлы асқақтата көркемдеп жырлай білді.

Өзінің "қазақ" екенін ағынан жарыла ерекше шабытпен жырлауы — оның ерлігінің бір көрінісі десек қателеспейміз.

"Қазақ болу — зор бақыт" дер күн тіпті... — деген өлең жолдары бүгінгі "егемендікті" жыр еткендей әсерге бөлейді. Ақын болашаққа сенеді. Сондықтан да ол ақынша желпіне, көңіл күйдің ырқына беріле жырлайды.

 

 

 Bored on a hot afternoon, Alice follows a White Rabbit down a rabbit-hole and tumbles into Wonderland: a topsy-turvy world of riddles and nonsense where animals answer back, a baby turns into a pig, time stands still at a disorderly tea party, croquet is played with hedgehogs and flamingos, and the Mock Turtle and Gryphon dance the Lobster Quadrille. In a land in which nothing is as it seems and cakes, potions and mushrooms can make her shrink to ten inches or grow to the size of a house, will she ever find her way home?